ҚЎЛ МЕҲНАТИГА ЎРГАТИШ ОРҚАЛИ ЎҚУВЧИЛАР ИЖОДИЙ ТАФАККУРИНИ РИВОЖЛАНТИРИШ ТЕХНОЛОГИЯСИ

Аннотация

Жаҳон ижтимоий тафаккур ривожида инсоннинг ақл-заковати ва унинг ижодкорлик салоҳияти илмий-техникавий ютуқларнинг энг муҳим омили сифатида кўзга ташланмоқда. Бу эса, ўз навбатида, инновацион таълим муҳити шароитини таъминлаш ва таълим олувчиларда ижодкорлик кўникмаларини ривожлантиришни, ностандарт ва креатив тафаккур тарзини шакллантириш муаммосини соҳанинг долзарб муаммоларидан бири сифатида кун тартибига олиб чиқмоқда. Бутун дунё мамлакатлари таълим муаммоларини иқтисодий тараққиёт омили нуқтаи назардан таҳлил қилувчи “Иқтисодий ҳамкорлик ва тараққиёт ташкилоти” (Оrganisation for Economic Co-operation and Development, ОECD) халқаро баҳолаш тадқиқотларининг (PISA - The Programme for International Student Assessment, PIRLS - Progress in International Reading Literacy Study, TALIS - Teaching and Learning International Survey, TIMSS - Trends in Mathematics and Science Study ва бошқа) “Ҳаёт учун ўқийдиган ўқувчиларни тарбиялаш” ғояси замирида мактаб таълимининг ҳаётий аҳамиятини ошириш, ўқувчилар томонидан ўзлаштирилган илимларнинг ҳаётий вазиятларда тўғри қарор қабул қилишига эришиш ва мактаб таълими фан дастурлари мазмунини мазкур ёндашув асосида такомиллаштириш ҳамда уни илмий-педагогик муаммо сифатида тадқиқ қилиш долзарб аҳамият касб этмоқда.