ТАЛАБАЛАРНИНГ ИНГЛИЗ ТИЛИДА ЁЗМА НУТҚ КОМПЕТЕНЦИЯСИНИ РИВОЖЛАНТИРИШ МЕХАНИЗМЛАРИНИ ТАКОМИЛЛАШТИРИШ (дисграфия, дислексия ва диспракцияни бартараф этиш мисолида)

Аннотация

Жаҳон таълим тизимида хорижий тилларни ўқитишда тил ўқитиш сифатига таъсир этувчи омиллар, саводхонлик даражасини оширишдаги шарт-шароитлар ва муносабатларни ўрганиш, уларни таҳлил ва тасниф қилиш билан боғлиқ тадқиқотларга эҳтиёж ортмоқда. Фан ва тараққиётнинг илғор ютуқларидан кенг фойдаланаётган бугунги кунда индивиднинг иқтидори, билим ва малакасига қўйилаётган талаблар ортиб бормоқда. Қўйилган мақсадларга эришишда, мамлакатнинг ривожланишига ҳисса қўшиш учун кадрларнинг касбий маҳорати ва компетенлигини юқори сифат даражасига олиб чиқиш зарурияти талаб этилади. Рақобатбардош ва давр талабига мос кадрларга бўлган эҳтиёжни қондириш сифатли таълим орқали амалга оширилади.