XX asrning ikkinchi yarmi va XXI asrning boshlarida yaqin sharqdagi siyosiy inqiroz

Аннотация

1920 yilda Livan Fransiyaning mandatli hududi deb e'lon qilindi, 1922 yilda Millatlar Ligasi ushbu qarorni tasdiqladi. 1926 yilning may oyida fransuzlarning oliy komissari livanliklarga yangi konstitusiyani taqdim etdi. Unda Livan respublika tuzimidagi davlat ekanligi qayd qilindi. Lekin Livan hali ko'p yillar davomida Fransiyaga qaram bo'lganligini kuzatish mumkin bo'ldi. Mamlakatning tashqi siyosati va mudofaasi Fransiyaning nazorati ostida edi. Faqat Livan xalqining milliy ozodlik kurashi kuchayishi bilan 1943 yilda mamlakat rasmiy ravishda o'z mustaqilligini qo'lga kiritdi. Amalda Livan xalqi haqiqiy mustaqillikka 1946 yilning 31 dekabrida erishdi, chunki ana shu kunda fransuz qo'shinlari Livan territoriyasini batamom tark etgan edi.