Амир Темурнинг миллий давлатчилик сиёсати

Аннотация

Ҳар бир халқнинг ўз сардорлари, сарбонлари, алп баҳодирлари, миллатпарвар, ватанпарвар фарзандлари султону подшолари бўлади. Улар ўзларининг ижтимоий, сиёсий фаолиятлари, бетакрор ақл- заковатлари билан маълум бир жамиятнинг ҳам, унда яшовчи кишиларнинг ҳам тақдирини ўзгартириб юборадилар. Бундай инсонлар ташқаридан бўладиган ҳар қандай "кўрсатма", тазйиқларга тамоман муросасиз бўладилар. Ўз халқининг, ватанининг озод ва обод бўлиши учун фидойилик, жасорат кўрсатадилар. Шахсий манфаат, шон-шуҳрат каби унсурларни кейинги ўринларга суриб қўйиб, миллатнинг дардига дармон бўлиб яшайдилар. Ватанини, миллатини янги жаҳоншумул ижтимоий-сиёсий, иқтисодий-маданий, маънавий уфқларга олиб чикиш омилларини ишга соладилар.