Аёллар ҳуқуқлар

Аннотация

Дунё аҳолисининг 49,7 фоизи аёллардир (аёллар 3 миллиард 132 миллион 342 минг, эркаклар 3 миллиард 169 миллион 122 минг киши). Агарда қизлар ҳали ҳомила пайтларида жинслари туфайли олдириб ташланмаганларида ва ўғил болаларга қараганда камроқ аҳамиятга эга, деган тушунчада чақалоқликларида тегишли тарзда парвариш қилинганларида эди, уларнинг сони камида 60 миллионга кўпроқ бўларди. Аёлларнинг ҳар учинчиси (демакки, бир миллиард аёл) ҳаётида камида бир марта калтакланган ёки жинсий алоқа қилишга мажбурланган, ёхуд бошқача тарзда хўрланган, ҳар бешинчи аёлнинг ҳаётида камида бир марта номусига тегилган ёки тегишга ҳаракат қилинган. Одатда зўравон киши аёлнинг қариндошларидан бири ёки таниши бўлган. Аёлларнинг 47 фоизининг таъкидлашича, улар илк маротаба ўзлари хохламаган тарзда жинсий алоқада бўлганлар. Зўравонлик билан ўлим топган аёлларнинг 70 фоизга яқини ўз эрлари ёки бирга яшаётган эркак томонидан ўлдирилган². Шунингдек, бир қанча давлатларда аёлларнинг устидан жоҳиллик билан зўравонлик килиш одатлари авж олган. Жумладан, аёлларни «кестириш» ёки «иснод келтирганлик учун ўлдириш» каби одатлар шулар жумласидандир.