ДАВЛАТ ФУҚАРОЛИК ХИЗМАТИДА МАНФААТЛАР ТЎҚНАШУВИНИ ОЛДИНИ ОЛИШНИНГ ТАШКИЛИЙ-ҲУҚУҚИЙ МЕХАНИЗМЛАРИ

Аннотация

Жаҳонда глобализация жараёнларининг тобора ривожланиши сабабли давлат ва нодавлат секторда коррупция ва унинг бир кўриниши бўлган манфаатлар тўқнашувининг замонавий ва яширин кўринишлари юзага келмоқда. Шу жиҳатдан, ҳар бир мамлакат ўзининг ички ҳуқуқий тизими, коррупцияга қарши курашиш сиёсати ва ҳуқуқий позициясидан келиб чиқиб, мавжуд амалиётни такомиллаштириш ва соҳага замонавий стандартларни татбиқ этишга алоҳида эътибор қаратмоқда. Давлат фуқаролик хизмати органларида парламент ва жамоатчилик назорати шаклларини янада кучайтириш, фаолиятни электронлаштириш, давлат фуқаролик хизматчиларининг коррупцион ҳаракатлардан ҳоли бўлган янги авлодини яратиш ва фаолиятни ҳуқуқий тартибга солиш устувор йўналиш сифатида долзарб бўлиб қолмоқда.