Аваз Муҳаммад Аттор Ҳўқандий ТАРИХИ ЖАҲОННАМОЙИ

Аннотация

Сичқон йили - тарих 1281 йил зу-л-ҳижжа иззуҳу ойи 2 ўрус кофирлар беадаблик ила Олмаота мавзеидан ҳаёсизликнинг тошлок биёбонига бемуродлик қадамларини қўюб, Марка қалъасига яқинлашдилар. Бу қалъа Тошканд вилояти тасарруфида эди. Калъа ахолиси бу ҳолдан огоҳ бўлиб, ҳаммалари бирлашиб, Садди Искандардек ҳимоя- га турдилар. Улар ичлари қора кофирлар дафъига фурсат пойлаб мунтазир бўлдилар. Аҳли куффор (кофирлар) мусулмонлар журъатини яхшироқ кўриб билдиларким: калъани забт этиш улар учун жуда ҳам мушкулдур, ҳатто қалъага яқинлашишнинг иложи йўқдир. Шунда ўруслар пасткаш ва дағал кишиларга хос бўлган макру ҳийладан фойдаландилар. Уларга ер тагини ковлаш иши осонроқ ва гўё дардларига малҳамдек кўринди. Тез фурсатда улар қалъа дарвозаси тагидан чуқур қазиб, ичини ҳар хил до- ривор ила тўлдириб, кечаси жаҳонсуз 3 оташ билан ёқиб юбордилар. Хиёнаткор киши- лар доимо шундай қиладилар. Олов шуъласи тез фурсатда манзилига етиб, шундай портладики, қалъа дарвозасини ўз жойидан девори ила кўтариб ташлади ва уни ер