<<<XX ASRNING IKKINCHI YARMI VA XXI ASRNING BOSHLARIDA YAQIN SHARQDAGI SIYOSIY INQIROZ»

Аннотация

Yaqin Sharq mintaqasi XX asrning 2-yarmi XXI asrning boshlarida dunyoning ziddiyatlarga boy hamda og'ir siyosiy jarayonlar kechgan nuqtalaridan biri sifatida tilga olinadi. Uning zamirida yotgan Falastin-Isroil mojarosi XX asrning boshidan, hozirgi kungacha aniq bir yechimga ega bo'lolmay jiddiy xalqaro xavotirlarga sabab bo'layotgan muhim masalalardan biridir. Aynan ushbu mojaroni yechish maqsadida Birlashgan Millatlar Tashkiloti Bosh Assambleyasi (BMT BA) va BMT Xavfsizlik Kengashi (BMT XK) 1947 yil 29 noyabrida, 1948 yil 11 dekabrida, 1967 yil 22 noyabrida, 1969 yil 10 dekabrida va keyinchalik ko'plab rezolyusiyalar qabul qildi. Shuningdek 1967-2011 yillar mobaynida dunyoning ko'plab mamlakatlarida ushbu muammoni hal etishga bag'ishlangan bir qator xalqaro konferensiyalar o'tkazildi. Yaqin Sharq mintaqasida uzoq yillardan buyon davom etib kelayotgan ziddiyat, boshqa global muammolar singari doimo mutaxassislarning diqqat-e'tiborida bo'lgan. Chunki, mazkur masalalarni o'rganish zamirida har qanday rivojlanayotgan davlat manfaati va uning taraqqiyotiga xizmat qilishi mumkin bo'lgan asoslar yotishi shubhasiz.