FORMULA PLYUS III

Аннотация

Ushbu ma’lumotnoma “Formula plyus” seriyasidagi 3-kitob bo’lib, oldingi nashrlardan ixchamligi, ko’pgina yangi ishchi formulalarni o’zida mujassam qilganligi, mavzularga ajratilganligi hamda mavjud xatolar tuzatilganligi bilan tubdan farq qiladi. So’nggi yillarda oliy o’quv yurtlariga kirish imtihonlarida uchrayotgan test savollarining murakkablik darajasi keskin ortib borayotganligi hamda akademik litseylar uchun mo’ljallangan darsliklar asosida tuzilayotgani barchamizga sir emas. Bu qo’llаnmаning afzallik tomoni ham akademik litseylarning fizika chuqur o’rganiladigan yo’nalishlari uchun mo’ljallangan M. N. O’lmasova muallifligida hamda akademik litseylar va kasb-hunar kollejlari uchun mo’ljallangan A. G. G’aniyev, A. K. Avliyoqulov, G. A. Almardonova muallifligida yozilgan darsliklar asosida tuzilganligidir. Akademik litseylarning 1, 2, 3 - bosqich talabalari uchun mo’ljallangan 3 tomlik darslikda keltirilgan murakkab masalalarning aksariyati hamda ko’pgina qo’shimcha adabiyotlarda keltirilgan 3-darajali testlarni yechishga mo’ljallangan ishchi formulalar mazkur kitobda o’z aksini topgan.