Ўзбекистонда аҳолини ижтимоий ҳимоя қилишнинг ўзига хос жиҳатлари. (Тиббиёт соҳаси мисолида)

Аннотация

Ўзбекистонда амалга оширилаётган ислоҳотлар, жамиятнинг барча соҳаларини тубдан модернизация қилиш шароитида юртимизда истиқомат қилаётган ҳар бир фуқаронинг ўз ўрни, шунингдек, уларнинг ўзига хос амалий вазифалари борлигини ҳам эсдан чикармаслик лозим. Халқимизда бир гап бор, “Эл соғлиги-юрт бойлиги”, бевосита шундай экан, халқмиз қанчалик соғлом бўлса, айниқса, ўсиб келаётган ёш авлод, Президентимиз таъбири билан айтганда, “Баркамол авлод” бақувват, соғлом ва кучли бўлса, юртимиз келажагининг шунчалик барқарор бўлишини таъминлаган бўламиз. Мустақиллик йилларида Ўзбекистонда ижтимоий соҳани юксалтириш энг асосий масалалардан бирига айланди.