SUBKLINIK GIPOTERIOZ KASALLIGINI DAVOLASHDA D VITAMININING AHAMIYATI

Аннотация

Annotatsiya Qalqonsimon bez organizmda metabolizm, o‘sish va rivojlanishda muhim rol o‘ynaydigan gormonlarni ishlab chiqaradi. Subklinik gipoterioz (SG) — bu qalqonsimon bezning yengil darajadagi yetishmovchiligi bo‘lib, laborator tekshiruvlarda TSH darajasining oshishi, ammo T3 va T4 gormonlarining normal darajada qolishi bilan tavsiflanadi [2]. SG ko‘pincha simptomlar bilan kechmasligi sababli aniqlanmasdan qolishi mumkin, ammo uzoq muddatda yurak-qon tomir kasalliklari, depressiya, lipid metabolizmi buzilishiga sabab bo‘lishi ma’lum [1]. So‘nggi yillarda D vitamini yetishmovchiligi va qalqonsimon bez kasalliklari o‘rtasidagi aloqalar keng tadqiq etilmoqda. D vitamini immunomodulyator xususiyatga ega bo‘lib, autoimmun tiroid kasalliklarining rivojlanishi va davrida muhim rol o‘ynashi mumkin [6]. Ushbu maqolada SG kasalligida D vitamini roli, uning klinik ahamiyati va davolashdagi o‘rni batafsil tahlil qilinadi.