География ва ландшафт экологияси. Илмий мақолалар тўплами.

Аннотация

Самарқанд давлат университетида узоқ йиллар давомида шаклланган география мактабининг вакиллари география илмининг турли йўналишларида ўзларининг илмий- тадқиқот ишларини олиб боришади. Бу йўналишлар ландшафтшуносликдаги регионал, типологик ва парагенетик комплексларни ландшафт карталаштириш, микрозоналаш- тириш, табиатда мавжуд бўлган ландшафт комплексларининг асимметриялигини асослаб бериш, ландшафт экологияси, геоэкологик вазиятларни оптималлаштириш, экотуризмни ривожлантириш, антропоген ландшафтларни тадқиқ этиш, ер-сув ресурслардан оқилона фойдаланиш, тиббий ландшафтшуносликни ривожлантириш, гидрологик текширишлар олиб бориш кабилардан иборат. Мазкур тўпламда ана шу йўналишларда олиб борилган илмий тадқиқот ишларнинг натижалари баён этилган. Илмий мақолалар тўпламидан географлар, геоботаниклар, экологлар, бакалаврлар, магистрлар, илмий тадқиқотчилар ва шу соҳа мутахассислари фойдаланишлари мумкин.