MILLIY MA’NAVIYAT BOSQIChLARI

Аннотация

Ushbu o’quv qo’llanma muallifning oliy o’quv yurtlaridagi ko’p yillik pedagogik ish tajribasi va ilmiy izlanishlari mahsuli bo’lib, unda milliy ma’naviyatimiz rivojlanish tarixining dolzarb masalalari izchil bayon qilingan. O’quv qo’llanma 15 bobdan iborat bo’lib, ular o’z navbatida fasllarga taqsimlangan. Boblar oxirida talabalarga mustaqil tayyorgarlik uchun yordamchi materiallar (chizmalar, jadval va xulosalar, qo’shimcha matnlar), o’tilgan mavzu bo’yicha savollar berilgan. O’quvchilarga qulaylik tug’dirish uchun matn ichida shu matnda uchrovchi asosiy timsol-tushunchalarning ta’rif-izohlari berib borilgan. Kitob oxirida tavsiya etiluvchi va foydalanilgan adabiyotlar ro’yxati ilova qilingan. O’zbekiston Prezidenti I.A. Karimovning milliy ma’naviyat va ma’naviy meros masalalariga oid risola va nutqlarida bildirilgan fikrlar ushbu darslikning nazariy-uslubiy yo’nalishiga asos qilib olindi. O’quv qo’llanma asosan ijtimoiy-gumanitar yo’nalishdagi oliy o’quv yurtlarining “Milliy g’oya, ma’naviyat asoslari va huquq ta’limi” maxsus bo’limlarining bakalavriat bosqichi talabalariga mo’ljallangan bo’lib, ehtiyoj darajasida fan o’qituvchilari, magistratura talabalari, soha tadqiqotchilari, mutaxassislari va keng kitobxonlar ommasi ham foydalanishi mumkinligi e’tiborga olingan