Жанубий Орол бўйидаги ҳомиладор аёллар репродуктив йўли маҳаллий иммунитет омиллари ва сийдик-таносил тизими микрофлораси

Аннотация

Кейинги ўн йилликларда Орол бўйи минтақасидаги экологик кризиснинг чуқурлашуви шу ҳудудда яшовчи аҳоли саломатлиги ёмонлашувига олиб келди. Шу жумладан айтиш жойизки, туғиш ёшидаги аёллар орасида экстрагенитал ва сийдик - таносил тизими касалликлари билан касалланиш кескин ошиб кетди (Асадов Д.А., 2001; Алиева А.Д., 2001; Абдуллаев И.К., 2001; Джаббарова Ю.К. ва муаллифдошлар, 2001; Дўсчанов Б.А. ва муаллифдошлар, 2002; Қурбонов Ж.Ж., 2005). Одам танасининг нормал микрофлораси чақалоқ тугилган вақтдан бошланиб, тана турли биотопларининг ҳар хил турга мансуб микроорганизмлар билан қопланиши билан кечади.