ANTIBIOTIKLAR REZISTENTLIGI: SABABLARI VA OLDINI OLISH STRATEGIYALARI

Аннотация

Annotatsiya: Ushbu maqolada antibiotiklar rezistentligi muammosi chuqur tahlil qilinib, uning asosiy sabablari va global sog‘liqni saqlash tizimiga ta’siri yoritilgan. Rezistentlikka olib keluvchi omillar – antibiotiklardan noto‘g‘ri va nazoratsiz foydalanish, veterinariya va qishloq xo‘jaligida ularning haddan tashqari qo‘llanilishi, sanitariya-gigiyena talablariga rioya qilinmasligi kabi jihatlar asosida ko‘rib chiqilgan. Maqolada bakteriyalarning antibiotiklarga nisbatan chidamlilik mexanizmlari – ferment ishlab chiqarish, hujayra devoridagi o‘zgarishlar va efflyuks nasoslari orqali dori moddasini chiqarib yuborish kabi ilmiy asoslangan tushunchalar bayon etilgan. Shuningdek, rezistentlikning oldini olish strategiyalari sifatida antibiotiklarni faqat retsept asosida va mikrobiologik tekshiruvga tayangan holda qo‘llash, infeksiyalar profilaktikasini kuchaytirish, gigiyenik qoidalarga qat’iy amal qilish, sog‘lom turmush tarzini ommalashtirish va xalqaro miqyosdagi hamkorlik muhim o‘rin tutishi ta’kidlangan. Maqolada muammoni hal qilishda zamonaviy yondashuvlar, ilmiy izlanishlar va jamoatchilikni xabardor qilishning ahamiyati yoritilib, antibiotiklar samaradorligini saqlab qolish uchun kompleks yondashuvlar zarurligi ilmiy asosda bayon etilgan.