Мирзо Улуғбек даври мадрасалари (Рисола)

Аннотация

Ўзбекистон Республикасининг мустақилликка эришганига ўн йил тўлмокда. Бу тарих олдида қисқа муддат бўлиб кўринсада, аммо моҳият жиҳатидан асрларга тенг мазмунга эга бўлган улуғ тарихий ҳодисадир. Ана шу ўн йил жараёнида жонажон Ватанимиз жаҳоний шуҳратга эга бўлиб қолмай, балки жаҳон ҳамжамиятидаги кўпгина мамлакатларга ибрат ва намуна ҳам була олди. Ватанимизнинг кўпмиллатли аҳолиси эса мустақил мамлакатимизнинг иқтисодий, ижтимоий, илмий, маданий ва маънавий жиҳатдан алп қадамлар билан ўзига хос тараққиёт модели асосида юксалиб бораётганининг бевосита гувоҳи бўлиб колмай, балки бу улкан аҳамиятга эга бўлган ишга ўзларининг салмокли улушларини қўшиб келмокдалар. Бундай ишларнинг амалга ошаётгани туфайли Ватан, унинг тарихи ва буюк келажаги ҳақида ўйлаш эса тобора янги поғонага кўтарилиб бормокда. Бу бежиз эмас, албатта. Чунки Ватанимизнинг мустақилликка эришуви бу муқаддас заминда яшаётган халқларнинг ўзлигини таниш, ўзининг мамлакат ва жамият олдидаги шарафли бурчини англай бориш жараёнини янада тезлаштирди.