Қрим-конго геморрагик иситмасининг замонавий эпидемиологияси (Сирдарё, Жиззах ва Андижон вилоятлари асосида)

Аннотация

Республикамизда ахолини жойлаштириш ва қишлоқ-хўжалигини ривожлантириш мақсадида кўрик ерларни ўзлаштириш ишлари босқичма- боқкич олиб борилди. Биринчи босқичда ушбу ерларни қишлоқ хўжалигида фойдаланиш учун ерларга ишлов бериш ва сув хавзаларини барпо этиш, иккинчи босқич ушбу худудларга ахолини жойлаштириш ва маданийлаштиришдан иборат бўлди. Антропоген таъсир натижасида табиатнинг ўзгариши табиий ўчоқли инфекцияларнинг эпидемиологиясига ўз таъсирини кўрсатди. Кенг кўламдаги ерларнинг агротехник ўзлаштирилиши сабабли табиий биоценоз холатининг ўзгариши ва у ердаги қатар ёввойи хайвонлар ва уларнинг эктопаразитлари популяцияси қисқарди. Натижада табиий ўчоклардаги қўзғатувчиларни ташувчилари фаоллигининг пасайиши ёки уларнинг йўколиши худудда ушбу касаллик билан касалланиш холатларининг камайишига олиб келди.