ГИПОТАКТИК ҚУРИЛМА ШАКЛЛАНИШИНИНГ КОГНИТИВ ПРАГМАТИК ХУСУСИЯТЛАРИ (тусиксиз маъноли гипотаксис материали асосида)

Аннотация

Рисола ҳозирги ўзбек тили деривацион синтаксиси муаммолари тадқиқига бағишланган бўлиб, унда гипотактик қурилмаларнинг ўрганилиш ҳолати таҳлил қилинади ва етакчи олимларнинг фикр-мулоҳазалари ўрганилади. Шунингдек, рисолада гипотаксиснинг тўсиқсиз маъноли тури орқали когнитив - прагматик хусусиятлари талқини ҳақида ҳам маълумотлар берилади. Энг муҳими, рисолада гипотактик қурилма микроматн мақомида тадқиқ қилинади. Рисолада предикативлик ва устпредикативлик ҳодисалари ҳақида ҳам батафсил маълумотлар келтирилган. Рисола Самарқанд давлат чет тиллар институти назарий тилшунослик ва шарқ тиллари кафедрасида "Тил тараққиётининг деривацион қонуниятлари" мавзусида олиб борилаётган фундаментал тадқиқот доирасида бажарилди. Ишдан тадқиқотчилар, олий ўқув юртларининг филология йўналиши талабалари ҳамда магистрлари фойдаланишлари мумкин.