Инсульт ўтказган беморлар эмоционал ҳолатларнинг психологик хусусиятлари

Аннотация

Диссертaция мавзусининг долзарблиги ва зарурати. Жаҳонда инсульт касаллиги одамлар касалликни бошдан ўтказгандан сўнг ногирон бўлиб қолишининг асосий ва ўлимида иккинчи етакчи сабаб сифатида етакчилик қилмоқда. Ҳар тўртта инсоннинг бирида ҳаёти давомида инсульт хавфи мавжуд бўлса ҳам, «бу касаллик 70% иқтисодий жиҳатдан паст ва ўрта даромадли мамлакатларда учрайди, бу эса инсульт туфайли ўлимнинг 87% ини қамраб олади. Цереброваскуляр касалликлар орасида эса ишемик инсульт 75 – 90 % ташкил қилади». 2030 йилга бориб инсульт сабабли ўлим ҳолатлариинг ўсиши, ушбу касаллик Жаҳон Соғлиқни Сақлаш Ташкилоти (ЖССТ) маълумотларига кўра «инсультнинг олдини олиш ва даволаш аҳоли саломатлиги учун устувор вазифа» ҳисобланиб, у билан курашиш бўйича фаол глобал чоралар кўрилиши давр талаби бўлиб қолди. Шунинг учун ҳам инсультни даволаш ва реабилитaция тадбирларини эрта бошлаш, беморларнинг саломатлигини тиклаш бугунги кунда бутун жаҳон миқёсидаги долзарб муаммолардан бўлиб қолмоқда