КОРХОНАЛАРНИНГ ТОВАР МОДДИЙ ЗАХИРАЛАРИНИ БОШҚАРИШНИНГ АҲАМИЯТИ

Аннотация

Ушбу мақолада корхоналар фаолиятида товар-моддий захираларнинг мҳимлиги, уларнинг самарали бошқаришга таъсир кўрсатувчи жиҳатлари, корхоналарнинг товар моддий захиралари ҳолати таҳлили, товар-моддий захираларини бошқариш буйича халқаро тажрибалардан фойдаланиш усуллари кўриб ўтилган. Товар моддий заҳираларининг мавжудлиги ҳар қандай корхона фаолияти учун зарурий шартдир. Чунки, бозор шароитида корхоналарнинг заҳираларни йиғишга боришининг сабаблари кўп вм aсосий омил - бу иқтисодий норентабеллик ва товарларни талаб мавжуд бўлганда товар моддий захираларини топиш имконсизлигидир. Яна бир муҳим омил, айниқса, корхоналар учун муҳим, агар истеъмолчига таклиф қилинадиган товарлар захираси мавжуд бўлса, сотиш ва фойдани ошириш мумкин бўлади, яъни, товар моддий захираси товарларнинг мунтазам истеъмол қилинишини таъминлашга имкон беради, ҳатто уни ишлаб чиқариш тартибсиз бўлса ҳам.Ташкилотларнинг товар моддий захираларини самарали бошқариш молиявий бошқарувда жуда муҳим рол ўйнайди, чунки у молиявий барқарорликни тартибга солишнинг энг муҳим воситаларидан биридир.