DIRIJORNING SAHNADAGI HARAKATI VA JISMONIY EKSPRESSIYASINING AHAMIYATI

Аннотация

Mazkur maqolada dirijorning sahnadagi harakati va jismoniy ekspressiyasi musiqiy ijroning badiiy ifodasi va tinglovchiga estetik ta’sir ko‘rsatishidagi roli yoritilgan. Dirijorning tana harakatlari, imo-ishoralari, mimikalari va sahnadagi holati orkestr ishtirokchilari bilan samarali muloqot o‘rnatish, emotsional kayfiyatni belgilash hamda musiqiy asarni yaxlit tarzda talqin etishda muhim vosita sifatida qaraladi. Tadqiqotda xorijiy va mahalliy dirijorlik tajribalari tahlil qilinib, ularning jismoniy ekspressiyasi orqali yetkazilgan badiiy mazmunning samaradorlik darajasi o‘rganiladi. Shuningdek, dirijorlik pedagogikasida jismoniy ifodaning o‘rgatilish usullari haqida ham fikr yuritiladi.