Антибактериал терапия давомийлигини дозалаш тартибига боғлиқлигини фармакоэпидемиологик ўрганиш

Аннотация

Антибактериал препаратлар специфик таъсирга эга бўлган этиотроп препаратлар бўлиб, касаллик қўзғатувчиси антибактериал препаратга сезгир бўлгандагина буюриладиган дори воситаларидир. Ҳозирги за- мон антибактериал терапиянинг асосий муаммоларидан бири – микроорганизмларнинг иккиламчи (индуцирланган, ортирилган) резистентлигидир. Антибактериал препаратлардан норационал фойдаланишни ўрганишда, таҳлил қилишда фармакоэпидемиологик текширувлар жуда муҳимдир. Монотерапияда қўлланилган АБПларнинг кунлик дозаси ва кунлик қўллаш частотаси билан АБПларни қўллаш давомийлиги ўртасидаги боғлиқлик ўрганилганда, АБПнинг кунлик дозаси ва кунлик қўллаш частотасининг камайиши АБПларни қўллаш давомийлигини узайишига олиб келиши аниқланди.