Мадрасалар таълимида адабиёт ўқитиш усуллари

Аннотация

Инсоният тарихида ҳар бир миллат ва халқнинг жаҳон илм-фани, маънавияти ва маърифатига қўшган ҳиссаси бўлади. Қадим тарихга эга бўлган юртимиз ўз аждодларининг дину иймонини, маънавий камо- лини диний ва дунёвий илмларга таянган ҳолда бойитиб келган. Илмга интилиш халқимиз учун хос юксак фазилатлардан бири бўлган. Ана шу интилиш мадрасалар таълимида ҳам ўз ифодасини топган ва асрлар давомида бу соҳада бой, бетакрор тажрибалар мажмуаси яратилган. Юртимиз мустақиллиги Ватан тарихини манбалар асосида чуқур ўрганиш имконини берди. Юртимиз тарихининг чуқур илдизини ташкил этган таълим тизими тарихини ўрганиш, мураккаб матнларни ўрганишга мослаштирилган ўқитиш усулларини аниқлаш мазкур монографияда назарда тутилди. Шунингдек, мадрасаларда адабий-назарий масалаларни ўрганишда қўлланилган шарқона усуллар хусусида ҳам маълумотлар келтирилган.