Марказий нерв тизими перинатал шикастланиши биомаркерларининг диагностик ва прогностик аҳамияти

Аннотация

Перинатал тиббиётда чақалоқлар бош мия тўқимаси ҳолатини баҳолашнинг кўп сонли усуллари бўлишига қарамасдан бош мия шикастланишининг эрта белгиларини аниқлаш замонавий тиббиётнинг жуда муҳим вазифаларидан бири бўлиб ҳисобланади. Марказий нерв системасининг (МНС) шикастланиш даражасини аниқлаш туғруқ вақтидаги краниоцеребрал травмалар, перинатал асфиксия, гипоксик-ишемик энцефалопатия ва интравентрикуляр қон қуйилишларида турли даволаш усулларининг натижаларини, шу билан биргаликда неврологик етишмовчиликлар ривожланиш хавфини баҳолашга имкон беради. МНС гипоксик травмаси асоратларини баҳолашда кенг қамровли биомаркерлар ўрганилади ва булар жумласига нейропротеинлар, кальций боғловчи оқсил, вазоактив моддалар, оксидатив стресс маркерлари, яллиғланиш медиаторлари киритилади. Маълумки бош мия шикастланишларида турли хил биологик суюқликларда қатор биомаркерларнинг концентрацияси ошади ва бу ҳолат туғруқ муддатига боғлиқ бўлмаган ҳолдаги шикастланишнинг ифодаланиши даражаси билан корреляция қилинади.