Сурункали юрак етишмовчилиги ва метаболик синдромда кардиоваскуляр ва кардиоренал муносабатлар бузилишини ташхислаш, даволаш чораларини мукаммаллаштириш

Аннотация

Ҳозирги кунда сурункали юрак етишмовчилиги (СЮЕ) энг тарқалган, авж олиб борувчи ва прогностик жиҳатдан номақул бўлган юрак қон-томир тизими касалликларидан бири ҳисобланади. СЮЕ билан касалланган беморлар орасидаги ўлим кўрсаткичи касаллик клиник белгиларининг илк намоён бўлишидан бошлаб 6 йил ичида 70% эркак ва 63% аёллар ташкил қилишини, касалликнинг 5 йиллик яшовчанлик кўрсаткичи эса атиги 35%ни ташкил этишни айтишнинг ўзи кифоя қилади. СЮЕ кечиши ва башоратини ёмонлаштирувчи омил сифатида метаболик синдромни айтиш жойиз. Шу метаболик синдром (МС) компонентларидан инсулинорезистентлик (ИР), абдоминал семизлик (АС) ва артериал гипертензияни (АГ) СЮЕ авж олиб боришининг прогностик мезонлари сифатида белгилаш мумкин.