Самарқанд вилояти ҳудудида ботулизм касаллиги клиник кечиш хусусиятлари

Аннотация

Ботулизмга қарши терапевтик чора-тадбирларнинг муваффақияти эрта ташҳис қўйиш ва ушбу касалликни даволашда қўлланиладиган даволаш усулларини ўз вақтида қўллаш билан белгиланади. Бу ҳолат эса касалхонага ётқизилган беморларнинг аҳволини тўғри баҳолаш билан бевосита боғлиқ. Касаллик клиникасидаги дастлабки белгиларнинг хилма-хиллиги, касалхонага ётқизишда поликлиника, тез тиббий ёрдам, қишлоқ врачлик пункти, шифохона ва участка шифокорларига касаллик тўғрисида етарлича маълумотлар бериш лозимлигини кўрсатади. Касалликни ташхислашда эпидемиологик анамнезни ҳисобга олиш керак. Касаллик эрта ташхисотида эпидемиологик анамнез ва клиник маълумотларнинг борлиги муҳим аҳамиятга эга.