Коммунал тўловлари жараёнларини ахборот тизимлари асосида самарали ташкил этишнинг тадқиқоти ("Тошкентшаҳаргаз" филиали мисолида)

Аннотация

Жаҳон амалиётида кенг қамровли ва юқори самарадорликка эга бўлган коммунал тўловлари жараёнларига замонавий технологияларни жорий этиш амалиётида смарт технологияларидан кенг фойдаланиш йўлга қўйилмоқда. Мамлакатимизда ахборотлаштиришнинг миллий тизимини шакллантириш, иқтисодиёт ва жамият ҳаётининг барча соҳаларида АКТларни жорий этиш, фуқароларнинг ахборотларга ортиб бораётган талаб-эҳтиёжларини янада тўлиқроқ қондириш бўйича қулай шарт-шароитлар яратиб берилди. Миллий иқтисодиётимиз тармоқ ва соҳаларига АКТни жорий этиш борасида коммунал тўловлари жараёнларига автоматлаштирилган ўзаро ҳисоб-китоблар тизими ишлаб чиқилган бўлиб, ҳужжатларни марказлаштирилган ҳолда сақлаш, абонентлар билан тезкор ишлаш, абонент тўлаган маблағни ҳисоблаш, абонентлар бўйича ҳисоб-китоб ҳужжатларини шакллантириш орқали кўрсатилган хизматлар учун тўловларни ундиришда ахборот тизимларини самарали ташкил этишнинг илмий-услубий асосларини такомиллаштириш муҳим аҳамият касб этади.