Chet tillarni egallashning umumevropa kompetensiyasi

Аннотация

Mamlakatimizning dunyo hamjamiyatiga integratsiyalashuvi, fan va texnikaning rivojlanishi yosh avlodning ko`p madaniyatli dunyoda raqobatbardosh bo`lishi uchun bir necha chet tillarni mukammal bilishni taqozo etadi, bu esa O`zbekiston Respublikasi ta`lim tizimiga chet tillarni o`rgatish bo`yicha xalqaro hujjatlarga asoslangan uzluksiz ta`lim tizimining davlat ta`lim standartlarini joriy etish orqali ta`minlanadi. Evropa Kengashining “Chet tillarni egallashning umumevropa kompetentsiyasi: o`rganish, o`qitish va baholash” (kompetensiyalar) to`g`risidagi hujjati til o`rganish, o`rgatish va baholash masalalari borasida o`quv rejalari, ta`lim standartlari, o`quv qo`llanmalari yaratish va test sinovlarini tashkillash va o`tkazish uchun asos vazifasini bajaradi. Chet tillarni egallashning umumevropa kompetensiyasida tildan aloqa vositasi sifatida foydalana oladigan bo`lish uchun qanday bilim, ko`nikma va malakalar - kompetensiyalar egallanishi lozimligi haqida ko`rsatmalar berigan.