Пу Сунглинг новеллаларида ғайритабиийлик унсурининг ифодаси

Аннотация

Мақолада Хитойнинг машҳур новеллисти Пу Сунглинг ижодида ғайритабиийлик унсури кўриб чиқилади. Унинг новеллалари жахонда жуда машҳур бўлиб, кўплаб тилларда нашр қилинган. Ёзувчи яшаган даврда ва ундан кейин ҳам зиёлилар бу новеллаларни ўқидилар, кўча эртакчилари эса уларни жонли нутқ тилига айлантирдилар. Мазкур новеллалардаги сюжетлар саҳналарда намойиш этилди, расмларда ва миниатюраларда ўз аксини топди. Пу Сунглинг новеллаларидаги муаллиф томонидан ғайритабиийлик унсурларининг берилиши мазкур мақоланинг бош ғояси ҳисобланади. Ляо Жай тахаллуси билан ижод қилган Пу Сунглингнинг “Ляо Жайнинг ғаройиботлар ҳақидаги ҳикоялари” венянда ёзилган бўлсада, унинг асари соддалаштирилган венян ва услубий жиҳатдан анча осон ва жўн бўлган оддий ҳалқ тилини бир –бирига яқинлаштирганлиги туфайли ҳам бундай юксакликка эришган. Пу Сунглинг асарлари айнан ғайритабиийлик унсурларга бойлиги учун ҳам ёзувчи яшаган заминда ва кейинчалик бутун дунёда кенг танилиб, одамлар қизиқиши ва ҳурматга сазовор бўлди.