AZIM XOJA IJODIDA HIKMATNAVISLIK AN’ANASI

Аннотация

Maqolada Xoja Ahmad Yassaviyning “Devoni hikmat” asari ta’sirida o’zbek mumtoz adabiyotida hikmatnavislik an’anasining mavjud bo’lganligi Qo’qon adabiy muhiti vakili, XIX asr shoiri Azim Xoja ijodi misolida yoritilgan. XII asrda yashab o’tgan Ahmad Yassaviy o’zining hikmatlari bilan turkiy tasavvuf she’riyati va hikmatnavislik an’anasiga asos solgan. Salkam VIII asrdan so’ng Azim Xoja hikmatlar yozib uning ijod yo’lini munosib davom ettirgan. Bizgacha Azim Xojaning devoni va nusxalari yetib kelgan. Uning hikmatlarining bosh mavzusi ishq hisoblanadi. Azim Xoja Qo’qon adabiy muhitida hikmat janrida ijod etgan kam sonli shoirlardan biridir. Uning ijodi tasavvuf adabiyotiga xos bo’lgan ilohiy ishq mavzusiga oid ko’plab hikmatlarni o’zida jamlaganligi bilan ahamiyatlidir.