ЎТМИШНИНГ БАДИИЙ ИФОДАСИ

Аннотация

Адабий асарларда тарихий шахс образининг бадиий характер даражасида етилиши ижодкорнинг маҳоратидан, истеъдодидан далолат беради. Айни пайтда шуни ҳам таъкидлаб ўтиш лозимки, психологик таҳлил ижодкорга асар каҳрамонининг ўйлари, фикрлари, турли ҳодисалар ва образлар таъсирида руҳиятидаги кечинмаларини турлича ҳолатларда бериш, характер қирраларини ёрқинроқ тасвирлаш имкониятини ҳам бериши билан биргаликда унинг ҳам табиийлигини, ҳам ҳаққонийлигини таъминлайди. Бундан ташқари тарихий мавзудаги асарларнинг хусусиятларидан бири шуки, акс эттирилаётган тарихий шахс ҳаёти ва фаолиятига нисбатан ёзувчининг илмий-бадиий концепцияси мавжуд бўлиши керак.