ICHKI YONUV DVIGATELLARINING ISHONCHLI ISHLASHIGA MOYLASH TIZIMINING TA’SIRI

Аннотация

Mazkur maqolada ichki yonuv dvigatellarining ishonchli va uzoq muddatli ishlashida moylash tizimining tutgan o‘rni ilmiy-nazariy jihatdan tahlil etilgan. Moylash tizimining asosiy vazifalari - ishqalanishni kamaytirish, haroratni muvozanatlash, ishqalanish natijasida hosil bo‘ladigan zarrachalarni tozalash va dvigatel qismlarini korroziyadan himoya qilish kabi funksiyalari o‘rganilgan. Tizimning konstruktiv tuzilishi, tarkibiy elementlari (moy nasosi, filtrlar, karter, moy yo‘llari) va ularning o‘zaro funksional bog‘liqligi tahlil qilingan. Natijalari asosida, moylash tizimidagi nosozliklar dvigatelning ishdan chiqish ehtimolini oshirishi, tizimning optimal holatda ishlashi esa dvigatelning ishonchliligini va ekspluatatsion samaradorligini sezilarli darajada yaxshilashi aniqlangan. Maqola yakunida mavjud tizimlarni takomillashtirish va ilg‘or texnologiyalarni joriy etish bo‘yicha tavsiyalar berilgan.