Машина-трактор агрегатларининг осма тизимлари ҳаракатининг моделлари ва бошқариш алгоритмлари

Аннотация

Диссертация мавзусининг долзарблиги ва зарурати. Жаҳонда замонавий ахборот технологиялари асосида қишлоқ хўжалиги машиналари параметрларини ташҳислаш жараёнида динамик режимларни моделлаштириш ва оптимал бошқариш масалалари ҳамда муаммоларини ҳал қилишга алоҳида эътибор қаратилмоқда. Жахонда машина-трактор агрегатлари ҳаракатини бошқариш моделлари ва алгоритмларини такомиллаштириш ҳамда уларнинг самарадорлигини оширишга йўналтирилган илмий-тадқиқот ишлари олиб борилмокда. Тадқиқотнинг мақсади пахта териш машинаси ва унинг териш аппаратлари осма тизимларини турли шароитдаги ҳаракатининг моделлари ва оптимал бошқариш алгоритмларини ишлаб чиқишдан иборат. Тадқиқотнинг вазифалари, пахта териш машинаси ва унинг териш аппаратлари осма тизими ҳаракатини бошқариш жараёнларининг умумий структурасини ишлаб чиқиш, турли ҳаракат шароитида пахта териш машинасининг горизонтал тебранишларининг математик моделини ишлаб чиқиш.