Пахта маҳсулотларини сақлаш ва ғoвaқ жисмларни қуритишда иссиқлик алмашинуви жараёнларининг математик моделлари

Аннотация

Диссертация мавзусининг долзарблиги ва зарурати. Жаҳонда пахта ҳомашёсини сақлаш ва қайта ишлаш жараёнларига илғор ахборот технологияларини жалб этиш орқали унинг табиий хусусиятларини сақлаш масалаларига алоҳида эътибор қаратилмоқда. Жаҳонда етиштирилаётган қишлок хужалиги маҳсулотларини узоқ муддат истеъмолга яроқли ҳолда сақлаш, уларнинг сақлаш муддатларини оширишда ахборот-коммуникация технологияларини қуллаш оркали дастлабки қайта ишлаш технологик жараёнларини такомиллаштиришга йуналтирилган илмий-тадқиқот ишлари олиб борилмоқда. Тадқиқотнинг мақсади пахта хомашёси, чигити ва ғовак жисмларни сақлаш, қуритиш ва қайта ишлашда иссиқлик алмашинуви жараёнларининг математик моделлари ва сонли алгоритмларини ишлаб чиқишдан иборат. Тадқиқотнинг предмети бир ва уч улчовли массаларда мураккаб иссиқлик алмашинуви жараёнларини тадқиқ этиш учун математик моделлар, сонли ечиш усуллари, ҳисоблаш алгоритмлари ва дастурий воситалардан иборат.