Талабаларга ахборот-коммуникация технологиялари воситасида кийимларни лойиҳалаш ва моделлаштиришни ўргатиш методикасини такомиллаштириш

Аннотация

Жаҳон миқѐсида жадал ривожланиш ва глобаллашув даврида таълим тизими олдида бир қатор талаблар юзага келди. Талабаларга билим бериш билангина чекланиб қолмай, уларнинг касбий маҳорати, кўникма ва компетентликларини ривожлантириш ҳамда рақамли технология имкониятларидан фойдалана олиш ва уларни таълим жараѐнида, келгусида касбий фаолиятларида қўллашга ўргатиш долзарб аҳамият касб этади. Шу билан бир қаторда, меҳнат бозори талабларига кўра, бўлажак мутахассис юзага келган муаммоларга маъсулият билан ѐндашиб, танқидий фикрлаш, таҳлил қилиш орқали уларнинг ечимларини топиш кўникмаларига эга бўлиши керак. Бу каби кўникмаларга эга мутахассисларни тайѐрлаш таълим тизимига инновацион ўқитиш усулларини қўллашни ҳамда унга мос таълим методикаларини ишлаб чиқишни талаб қилади.