Рапқон - ажойиб жой экан

Аннотация

Машҳур мумтоз шоиримиз Муқимий таърифини келтирган қишлоғимиз Фарғона водийсининг бетакрор ва хушманзара гўшаларидан биридир. Бепоён адирларга туташиб кетган Рапқон қишлоғини Катта Фарғона канали олмос камардек айланиб ўтади ва унинг чор атрофи ададсиз боғ-роғлар билан бурканган. Устозимиз, филология фанлари доктори, тилшунос олим, профессор Ёрмат Тожиев ана шу қишлок фарзанди. Унинг отаси Тожибой ота Холматов машхур пахтакор бўлиб, узоқ йиллар давомида пахта бригадасида раҳбарлик қилиб донг таратган ва давлатнинг қатор мукофотларига сазовор бўлганлар.