Ўзбек ва япон миллатларида паркинсон касаллигининг қиёсий клиник ва патобиохимик жиҳатлари

Аннотация

Дунёда Паркинсон касаллиги полиэтиологик омилга эга бўлган касалликлар қаторига кириб, нигростриар тизимда дофаминергик ўтказилишининг бузилиши натижасида юзага келадиган касаллик хисобланади. Паркинсон касаллиги (ПК) нейродегенератив хусусиятга эга бўлиб, учраш сони буйича иккинчи ўринда туради. Жахон соғликни сақлаш ташкилотининг маълумотларига кўра, Паркинсон касаллиги «...ахоли орасида умумий кўрсаткичида 6,1 миллион, аёллар орасида 2,9 миллион (47,5%), эркакларда 3,2 миллион (52,5%), уларнинг 14,8% и даромади кам мамлакатларга тўғри келади...»1. Жахон микёсида олимлар томонидан олиб борилган тадқиқотлар ёшга қараб беморлар сонининг кўпайишини кўрсатмокда. Паркинсон касаллиги «...беморларда харакат бузилиши, когнитив бузилишлар, дезадаптация ва хаёт сифатининг ёмонлашишига олиб келиши исботланган...»2. Юзага келадиган ушбу муаммонинг тиббий ва ижтимоий ахамиятини белгилаб беради. Ушбу муаммоларни ўз вактида аниқлаш ва самарали даволаш тизимини яратиш бугунги кунда тиббиёт ходимлари олдида турган долзарб муаммолардан биридир.