Лагохилин ҳосилалари синтези, супрамолекуляр комплексларини олиш ва уларнинг биологик фаоллиги

Аннотация

Бугунги кунда дунё миқёсида ўсимликлардан биологик фаол моддаларни ажратиб олиш, уларни кимёвий модификация қилиш, махсус фаолликларини ўрганиш ва саноат миқёсида ишлаб чиқариш усулларини амалиётга тадбиқ қилиш бўйича кўплаб илмий изланишлар олиб борилмоқда. Тиббиётда ўсимликлардан олинадиган дори воситалари яллиғланиш, ўткир ва сурункали оғриқлар билан кечувчи турли патологик ҳолатларни, юрак, қон-томир тизими касалликларини олдини олиш ва даволашда ишлатиб келинмоқда. Замонавий асбоб-ускуналар билан жиҳозланган биоорганик кимё, фармакология, биотехнология, тиббиёт кимёси соҳаларининг ривожланиши турли касалликларга қарши қўлланилувчи, кам заҳарли, танлаб таъсир қилувчи ҳамда кам дозада самарали таъсирга эга янги дори воситаларини яратиш имконини бермоқда.