Ўзбек лингвистикасининг компьютерга йуналтирилган моделлари

Аннотация

Диссертация мавзусининг долзарблиги ва зарурати. Жаҳонда лингвистик муаммоларни компьютер дастурлари ёрдамида ҳал этиш мақсадида компьютер лингвистикасининг турли тармоқларини ривожлантиришга, хуссан, машинавий таржима тизимлари, табиий тилни машинавий ўқитиш тизимлари, инсон машина интерфейслари ва шу каби турли тил технологияларини ишлаб чиқиш ҳамда такомиллаштиришга алоҳида эътибор қаратилмоқда. Айни вақтда компьютер лингвистикасининг замонавий ютуқларидан таълим, фан ва ишлаб чиқаришнинг турли соҳаларида самарали фойдаланилмоқда. Республикамизда ўзбек компьютер лингвистикасини ривожлантириш ва тил муаммоларини дастурий воситалар ёрдамида ҳал этиш юзасидан илмий тадқиқотлар олиб борилмоқдаки, бунга-мисол тариқасида ўзбек тилининг турли объектларини математик. қонуниятлар ,асосида формаллаштириш, мантиқий-математик моделларни яратиш, хусусан, ўзбек тилининг миллий корпуси ва морфологик-семантик базасини шакллантириш, нутқ синтезаторларини яратиш, ўзбек тили ва бошқа тиллар ўртасида автоматик таржима моделларини ишлаб чиқиш ва бошқаларни келтириш мумкин. Тадқиқотнинг мақсади ўзбек лингвистикасининг матнни автоматик таҳрир ва интеллектуал таҳлил қилишга оид компьютерга йўналтирилган моделлари, лингвистик базалари, алгоритмлари ва дастурий мажмуасини ишлаб чиқишдан иборат.