Узлуксиз шифрларнинг криптобартолашли алгоритмлари ва уларнинг самарадорлигини баҳолаш

Аннотация

Мавзунинг долзарблиги. Ахборот-коммуникация тизимларида локал ва корпоратив компьютер тармокларининг кўпайиши ва бу тармокларнинг глобал интернет тармоғига уланиши фойдаланувчилар ўртасида электрон маълумот алмашувининг кенг кўлланилишига олиб келди. Жамиятнинг ахборотга бўлган эхтиёжи ахборот-ресурс марказларининг ташкил этилиши ва очик интернет тармоги оркали фаолият юритишига олиб келиши билан бир вактда алмашинувчи маълумотларнинг узатилиши давомида кафолатли муҳофазасини таъминлаш масаласини келтириб чикарди. Ахборот- коммуникация тизимларининг тўлик равишда рақамлилаштирилиши, маълумотни узатишда оптик толали воситалардан фойдаланилиши, вилоятлараро видеоконференция, IР-телефония ва бошқа тутилишсиз узатилишни талаб қилувчи катта микдордаги ахборот оқимларининг очиқ алоқа каналларида узатилиш давомида муҳофазасини таъминлаш масаласи ўз навбатида юқори тезликда тутилишсиз ишловчи криптографик воситаларни талаб қилади. Тадқиқот мақсади. Ушбу номзодлик диссертациясида олиб борилган тадқиқотнинг мақсади маълумотларнинг муҳофазасини таъминловчи аппарат ва аппарат-дастурий криптографик воситаларда қулай ҳамда самарали қўлланувчи криптобардошли узлуксиз шифрлаш алгоритмларини яратиш, уларнинг самарадорлигини баҳолаш усулларини ва дастурий таъминотларини таклиф этиш.