Нутқ буйруқларини таниш алгоритмлари ва аппарат- дастурий платформасини ишлаб чиқиш

Аннотация

Диссертация мавзусининг долзарблиги ва зарурати. Жаҳонда инсон ва ускуна ўзаро алоқаларини ташкил этишда компьютерларнинг ўрни жуда муҳим ҳисобланади. Инсон ва ускунанинг ўзаро алоқасини ташкил этишнинг энг самарали воситаси бу нутқ ҳисобланади. Ҳозирги кунда инсон-машина интерфейсини амалга оширишни турли усул ва воситалари мавжуд бўлиб, энг самарали воситаларидан бири бу нутқ ҳисобланиб келмоқда. Нутқ буйруқлари орқали бошқарув турли соҳаларда, дастгоҳ ва ускуналарни овоз орқали бошқариш, қўнғироқ марказларида овозли ассистент, «ақлли уй» ва «ашёлар интернети»да(IoT), овоз орқали шахсини аниқлаш, имконияти чекланган инсонлар учун овозли бошқарув интерфейси ва бошқа соҳаларда кенг қўлланилиши мумкин. Бунда нутқ сигналларига ишлов бериш мураккаб таниб олиш алгоритмларини ўз ичига олади. Ушбу соҳада АҚШ, Хитой, Япония, Жанубий Корея, Германия, Франция, Италия ва Россия Федерацияси каби дунёнинг етакчи мамлакатларида кенг қамровли илмий изланишлар олиб борилмоқда.