Маҳаллий ўсимлик мойларидан фосфолипидлар олиш технологиясини такомиллаштириш

Аннотация

Бугунги кунда дунёда хомашё базасини ва табиий биологик фаол (БФМ) бўлган фосфолипидларни кўпайтиришга катта эътибор берилмоқда. Озиқавий ва техник мақсадларга йўналтирилган фосфалипидлар асосан йилдан-йилга ишлаб чиқарилиши ошиб бораётган ўсимлик мойлари асосида олинади.Фосфолипидларнинг хусусиятларини янги амалий аҳамиятлари очилмоқда. Фосфолипидлар яхши ноионоген сирт-фаол модда (СФМ), эмульгатор (лецитин), антиоксидантлик, суюқликларни қовушқоқлигини пасайтирувчи ва ҳ.з хусусиятларга эгадир. Афсуски, ушбу соҳа статистик маълумотларига кўра, анъанавий усулда ўсимлик мойларини қайта ишлаб фосфолипидлар олиш технологиясини яратишга етарлича эътибор берилмаяпти. Бу борада ўсимлик мойларидан фосфолипид олиш технологиясини такомиллаштириш ва қўллаш соҳаларини кенгайтириш муҳум аҳамиятга эгадир.