Хитой тилида “Bubi” (“不比”) иштирокидаги қиёсий гаплар семантикаси

Аннотация

Ўзбек хитойшунослигида хитой тилини ўргатишга мўлжалланган дарсликлар асосан Хитой Халқ Республикасида нашр қилинган адабиётлар бўлиб, уларда берилган айрим грамматик воситаларни тўғри ўзлаштириш нафақат талабалар, балки фан ўқитувчилари учун ҳам чалкашликлар келтириб чиқаради. Шулардан бири хитой тилида қиёсий гаплар ҳосил қилишда фаол иштирок этувчи “Bubi” (“不比”) бўлиб, мақолада асосий эътибор буби масаласини ўрганишга бағишланади. Ушбу нуқтаи назардан мақолада масаланинг қуйидаги жиҳатлари, яъни Хитой т а д қиқотчиларининг Bubi семантикаси ҳақидаги илмий қарашлари; Хитой тилида Bubi иштирок этган гапларнинг грамматик қўлланилиши ва маъно хусусиятлари; Bubi иштирокида ясаладиган гапларда учрайдиган камчиликларни таҳлили масаласи муҳим ўрин тутади.