Метаматериаллар асосида антенна-фидер қурилмаларининг самарадорлигини ошириш усуллари моделлари

Аннотация

Диссертация мавзусишшг долзарблиги ва зарурати. Жаҳонда антенна-фидер қурилмаларини ишлаб чиқиш ва амалиётга қўллашда уларнинг ўлчамларини кичрайтириш, узатиш масофасини сезиларли даражада ошириш ҳамда белгиланган ўлчамларда йўналиш диаграммасини назорат қилишга катга эътибор қаратилмоқда. Ушбу йўналишда, жумладан, антенна-фидер қурилмаларининг самарадорлигини оширишда, метаматериаллар, композит материаллар ва наноматериаллар асосида антенна моделларини ишлаб чиқиш, мавжуд антеннапарнинг параметрларини яхшилаш ҳамда наноантенналарни яратишга алоҳида эътибор қаратилмокда. Жаҳонда радиоалоқа тизимларини такомиллаштириш, жумладан, антенна-фидер қурилмаларининг йўналиш диаграммаларини бошқариш, ўлчамларини кичрайтириш ва узатиш масофасини оширишга қаратилган қатор илмий тадқиқот ишлари олиб борилмоқда.Ушбу соҳада, жумладан, антенна-фидер қурилмалари самарадорлигини ошириш учун янги турдаги материалларни излаш, нанокомпозит материалларни наноантенналарда қўллашнинг назарий асосларини яратиш, амалий ечимларини ишлаб чиқиш, метаматериаллар ва юпқа қатламли плёнкалар асосида патч антенналарни такомиллаштириш, ҳажмини кичрайтириш усуллари ва моделларини ишлаб чиқишга алоҳида эътибор қаратилмоқда.