Ўрта Осиё зирадошлар (apiaceae lindl.) оиласига мансуб айрим эндем туркумларнинг биоморфологияси ва структурасининг хусусиятлари

Аннотация

Диссертация мавзусининг долзарблиги ва зарурияти. Дунёда биосферанинг бошқа таркибий қисмлари орасида табиий муҳитни муҳофаза қилиш муаммоларидан ўсимлик дунёсини муҳофаза этиш етакчи ўринни эгаллайди. Антропоген босимнинг кескин ошиши ва экологик офат хавфи даврида флоранинг кам сонли элементлари бўйича тадқиқотлар олиб бориш, айниқса, уларнинг чекланган майдони ва ўзига хос яшаш жойлари туфайли жуда муҳимдир. Шу муносабат билан ўсимликлар биологиясини ҳар томонлама ўрганиш ва уларнинг биологик хусусиятларига асосланган муҳофаза қилиш усулларини ишлаб чиқиш бу турдаги нафақат илм-фан учун қимматли ноёб ўсимликларни сақлаш, балки уларни янада чуқур мослашув имкониятларини аниқлаш ва интродукциялаш истиқболларини башорат қилиш долзарб ҳисобланади.