Нефть, газ ва сувли қатламлардаги фильтрация жараёнларининг математик моделларива самарали сонли алгоритмлари

Аннотация

Диссертация мавзусининг долзарблиги ва зарурати. Жаҳонда илмий-инновацион ва замонавий ахборот технологиялари асосида нефть ва газ ишлаб чиқаришни автоматлаштириш етакчи ўринни эгалламоқда. АҚШ Energy Information Administration агентлиги ва Россия Иқтисодий ривожлантириш вазирлиги маълумотларида келтирилишича, жаҳонда сўнгги йилларда нефть ва газни ишлаб чиқиш ва истеъмол қилишнинг нисбий баланси доимий равишда ўсиши натижасида. Жаҳонда замонавий компьютер технологиялари ёрдамида янги нефть ва газ конларини излаб топиш, лойиҳалаштириш ва улардан унумли фойдаланиш ҳамда башоратлаш мақсадида ушбу жараёнларни ифодаловчи математик моделлар, ҳисоблаш алгоритмлари ва дастурий таъминотларни ишлаб чиқишга йўналтирилган илмий-тадқиқот ишлари олиб борилмокда. Тадқиқотнинг мақсади нефть, газ ва сувли катламлардаги фильтрация жараёнларининг математик моделлари, сонли алгоритмлари ва дастурий воситаларини ишлаб чиқишдан иборат. Тадқиқотнинг амалий натижаси қуйидагилардан иборат, нефть, газ ва сувли қатламлардаги фильтрация жараёнларининг математик моделлари ишлаб чиқилган ва такомиллаштирилган ҳамда уларнинг хисоблаш алгоритмлари ишлаб чиқилган, саноат аҳамиятига эга бўлган нефть ва газ конлари худудида жойлашган кудукларнинг унумдорлигини ошириш учун кудук дебитларини таҳлил килиш ва бошқаришга мўлжалланган дастурий восита яратилган.