Корпоратив ахборот-кутубхона тармоқлари ахборот хавсизлигини баҳолашнинг усуллари, алгоритмлари ва дастурий комплекси

Аннотация

Диссертация мавзусининг долзарблиги ва зарурати. Жаҳонда ахборот ресурсларининг конфиденциаллиги, яхлитлиги ва фойдалана олишлиги каби хусусиятларини сақлаш талаб килинар экан, ҳар кандай ташкилот учуй хам ахборот хавфсизлигини таъминлаш масаласи долзарб аҳамият касб этади. Бу борада ташкилотларнинг мулкчилик шакллари, уларнинг ахборот тизимлари хусусиятлари ва ҳимояланадиган ресурслари баҳосининг турличалиги ахборот хавфсизлигини таъминлаш бўйича ягона универсал усул ва воситаларни қўллашга имкон бермайди. Тадқиқотнинг мақсади корпоратив ахборот-кутубхона тармоқларида илмий-техник ва таълимга оид ресурслар хавфсизлигини баҳолашнинг усуллари, алгоритмлари ва дастурий комплексини яратишдан иборат. Тадқиқот натижаларининг ишончлилиги. Тадқиқот натижаларининг ишончлилиги кўйилган муаммонинг математик жиҳатдан аниқ ифодаланиши, ресурслар муҳимлилиги ва ҳимоя чораларининг мослигини баҳолаш усуллари, ахборот-кутубхона муассасаси ахборот хавфсизлигини баҳолаш алгоритмларининг тўғри қўлланилиши, eLiblS дастурий комплексининг ишлаб чиқилиши ва унинг ARMAT++ тизимига интеграцияси, шунингдек, соҳадаги етакчи олимлар ва мутахассис экспертларнинг хулосалари билан изохланади.