Ўқувчиларни халқ ҳунармандчилигига ўргатиш жараёнида ижодкорлик компетенцияларини шакллантиришнинг инновацион технологиялари

Аннотация

Жаҳонда фан-техника ва технологиялар жадал суръатлар билан ривожланаётган ҳозирги шароитда саноат тармоқларини ривожлантириш, сифатли маҳсулотлар ишлаб чиқариш учун ижодий фикрловчи, муаммоларнинг янги ечимларини доимий изловчи ижодкор мутахассисларга бўлган талаб ва эҳтиёж янада кучайиб бормоқда. Ўқувчиларни ижодкорлик фаолиятига тайёрлашда технология фанидан ташкил этиладиган машғулотлар, дарсдан ташқари ишларнинг имкониятларидан кенг фойдаланиш муҳим аҳамиятга эга. Шунинг учун ҳам, бугунги кунда технология фанини ўқитиш жараёнида ўқувчиларнинг ижодкорлик қобилиятларини шакллантириш ва ривожлантириш, мустақил фикрлаш ва илмий изланувчанлик сифатларини таркиб топтириш масалаларига алоҳида эътибор қаратилмоқда.