Paқамли технологиялар асосида талабалар ўқув-билув фаолиятини такомиллаштириш методикаси (“Таълимда ахборот технологиялари” фани мисолида)

Аннотация

Жаҳонда замонавий ахборот технологияларидан фойдаланган ҳолда юқори сифатли билим бериш ва соҳаларда рақобатбардош кадрлар фаолиятини таъминлаш мақсадида рақамли технологиялардан фойдаланиш муаммоси жадал суръатлар билан тадқиқ этилмоқда. Бу борада, айниқса, АҚШ, Буюк Британия, Россия Федерацияси, Франция, Корея, Хитой, Япония, Туркия, Ҳиндистон, Германия, Италия каби таълим тизими ривожланган давлатларда рақамли технологиялар асосида талабалар ўқув-билув фаолиятини такомиллаштириш муаммолари фан ва таълим тизимини рақамлаштириш билан бирга параллел тарзда ривожланмоқда. Чунки ҳозирги кунда барча соҳаларда бўлгани каби таълим тизимида ҳам ўқув жараѐнини самарали ташкил этиш учун янги имкониятлар қидирилмоқда ва жаҳон андозаларига мос келадиган таълим технологияларидан бири сифатида рақамли технологиялардан фойдаланиш орқали кенг жамоатчилик аудиториясини қамраб олиш соҳа олимлари олдидаги асосий мақсад ва вазифалардан бири ҳисобланади.