Петри тўри асосида телекоммуникация тармоғи канал сатҳи протоколлари самародорлигини баҳолашнинг моделлари ва алгоритмлари

Аннотация

Диссертация мавзусининг долзарблиги ва зарурлиги. Жаҳонда телекоммуникация тармоқларида алоқа каналлари орқали узатилаётган маълумотларни қабул қилувчига бузилишларсиз, кечикишларсиз ва тўлиқ ҳолда етиб боришини таъминлайдиган алгоритм ҳамда дастурий таъминотлар асосида ишлайдиган курилмаларни такомиллаштиришга катта эътибор қаратилмокда. Ушбу йўналишда, жумладан, телекоммуникация тармоғи канал сатҳи протоколлари самарадорлигини баҳолаш моделлари ва алгоритмлари ҳамда уларнинг унумдорлигини оширишда асосан тармоқнинг аппарат ва дастурий таъминотларини такомиллаштиришга, шунингдек, канал сатқи протоколлари параметрларини созлаш воситаларини ишлаб чиқишга алоҳида эътибор қаратилмоқда. Тадқиқотнинг объекта сифатида Петри тўри асосида маълумотларни узатиш канал сатхи протоколлари самарадорлигини баҳолаш воситалари олинган. Тадқиқотнинг усуллари. Диссертация ишида телетрафика назарияси усуллари, эхтимоллар назарияси ва математик статистика, дискрет математика, графлар назарияси ва математик моделлаштиришдан фойдаланилган.